Mande Kòporasyon Swen Sante Florid yo Kont

Kòporasyon swen sante Florid yo tankou Florida Blue ak Florida Hospital Association Bay plizyè milyon ak politisyen ki anti-avòtman nan Florid, k ap retire libète repwodiktif nou malgre sipò jeneral piblik la pou moun gen aksè ak avòtman.

Floridyen pou Reproductive Freedom Coaltion te ekri yon lèt ouvè voye bay kòporasyon swen sante yo ki fòme sa nou rele Abortion Injustice Inc. la, pou n egzòte yo pou yo SISPANN finanse politisyen ki anti-avòtman yo k ap travay pou rekile dwa nou yo nan Florid.

Èske w ap ajoute non w nan lèt nou an??

Desizyon pou fè yon avòtman se yon desizyon ke pasyan an ansanm ak founisè swen sante ya ta dwe pran -pa politisyen yo, epi sitou pa kòporasyon yo ki swadizan gen sousi pou lasante ak byennèt pandan y ap finansye politisyen yo.

Li lè pou Florida Blue, United Health, ak Asosyasyon Lopital Florid yo sispann plen pòch politisyen ki anti-avòtman yo epi pou yo kòmanse aktyèlman tande Floridyen yo ke yo swadizan ap sèvi a. Yo dwe konnen ke piblik la sipòte aksè ak avòtman, kidonk ajoute non w, pou fè yo tande vwa w. Nou pral voye lèt sa a bay CEO (Prezidan-Direktè Jeneral) konpayi yo.

Nan dat 1ye jiyè, Gouvènè DeSantis te siyen an lwa  House Bill 5 (pwojè lwa nimewo 5 nan Chanm depite yo), yon entèdiksyon avòtman ki rann li ilegal pou entèronp yon gwosès apre 15 semèn, li pa fè okenn eksepsyon pou vyòl, ensès oswa trafik moun. Lwa sa a se yon afron chokan ak vi prive e ak otonomi kòporèl moun k ap chèche fè yon avòtman, men li pi chokan toujou ke se don politik lejislatè ki anti-avòtman yo resevwa nan men konpayi ak òganizasyon tankou w yo, ki swadizan angaje nan bay aksè ki garanti ak bon jan kalite sèvis swen sante.

Florida Blue, United Health, and Florida Hospital Association te mete ansanm ak lòt kòporasyon pou bay plis pase $ 1.7 milyon dola ak politisyen ki patwone ak ko-patwone House Bill 5, nan fè sa yo te aktivman minimize kapasite Floridyen yo pou fè pwòp chwa pou swen sante yo. Antan ke Floridyen ki depann de sèvis swen sante tankou sa konpayi w yo ofri yo, mwen endiye akòz sipò konpayi w yo ap bay moun ki gen entansyon pou redwi dwa fondamantal Floridyen yo. Floridyen yo kapab pran pwòp desizyon sou swen sante yo, epi yo pa bezwen okenn politisyen Oswa kòporasyon nan espas la ak yo pou yo fè sa.

N ap mande konpayi w yo pou yo respekte règleman yo swadizan etabli pou tèt yo ak anplwaye  yo epi pou yo  imedyatman  sispann sipòte kandida ki anti-avòtman yo k ap travay pou rache dwa fondamantal Floridyen yo  nan men yo. Sante mantal ak fizik ansanm ak byennèt plizyè milyon moun nan Florid ak nan tout Sid la an danje.

Send the letter

Not ? Click here.

First name*

Last name*

Email address*

ZIP Code*

Postal code